ನಮ್ಮೊಳಗಿನ ಲಂಕಾ ಕದನ

ನಮ್ಮೊಳಗಿಹ ರಾವಣನನ್ನು,

ನಮ್ಮೊಳಗಿಹ ರಾಮನಿಂದ ಸೋಲಿಸಲು—

ಆತ್ಮದಲ್ಲಿ ನೆಲೆಸಿಹ ಶ್ರೀ ರಾಮನನ್ನೇ ಒಲಿಸಬೇಕು..

            ----ಚಿನ್ಮಯಿ

ನಮ್ಮೊಳಗಿನ ಕುರುಕ್ಷೇತ್ರ

ನಮ್ಮೊಳಗಿಹ ಕೌರವರನ್ನು,

ನಮ್ಮೊಳಗಿಹ ಪಾಂಡವರಿಂದ ಸೋಲಿಸಲು—

ಆತ್ಮದಲ್ಲಿ ನೆಲೆಸಿಹ ಶ್ರೀ ಕೃಷ್ಣನನ್ನು ಒಲಿಸಬೇಕು..

          ----ಚಿನ್ಮಯಿ

ಭಗವದ್ಗೀತೆ

ವಿಶ್ವ ಗುರು, ವಿಶ್ವ ಮಾನವ, ಭಗವಂತ 

ಶ್ರೀ ಕೃಷ್ಣನ ಉಪದೇಶದಿಂದ—

ಬದುಕಲು ದಾರಿ ದೀಪ.

ಬದುಕಿಗೆ ನಂದಾದೀಪ.

     ----ಚಿನ್ಮಯಿ

ಒಲವಿನ ಸ್ನೇಹ

ನೀಗಿಸು ಹೃದಯದ ಹಸಿವಾ,

ಕರುಣಿಸಿ ನಿರ್ವ್ಯಾಜ ಪ್ರೀತಿ..

ಗಾಳಿಯು ಮರ-ಗಿಡ ಸೇರುತ,

ತಕದಿಮಿ ಕುಣಿಸೋ ರೀತಿ..

ಅಳಿಸು ಬಾಳಿನೆಲ್ಲ ಕಷ್ಟವಾ,

ಪರಿಚಯಿಸಿ ಮುಗುಳುನಗು..

ನಗಿಸಿ ನಗುವುದರಿಂದಲೇ, 

ಅಲ್ಲವೇ ಸುಖಮಯ ಬಾಳು..

ಕನಸು ನನಸಿಗೂ ಪ್ರೇಮವಾ,

ಧಾರೆಯೆರೆಸಿಕೊಳ್ಳೋ ಮೋಹ..

ಮೋಹದ ಸೆರೆಯಲಿ ತನು,

ಮನವೂ ಬೆಸೆದರೆ ಸ್ನೇಹ..

    ----ಹರೀಶ್ರಘು💛❤️

ಹೃದಯದ ನಗು

ಚಿತ್ರಕ್ಕೆ ಪದ್ಯ- ೬೬

ಹೃದಯ ನಕ್ಕದಿದ್ದರೂ ಮೋರೆ ನಗುವುದು, 

ಆದರೇ—

ಹೃದಯ ನಕ್ಕರೆ ಮೋರೆ ಕುಣಿವುದು.

ಹೃದಯದಿಂದ ನಗುವವನೇ ಜೀವನವ 'ಸುಖ' ಎಂದರಿತವನು..

   ----ಚಿನ್ಮಯಿ