ನನ್ನಣೆಯ ಪುಸ್ತಕದಲ್ಲಿ...

ನನ್ನಣೆಯ ಪುಸ್ತಕದಲ್ಲಿ—

ಈಗಿನವರೆಗಿನ ಬದುಕಿನ ಪುಟಗಳಲ್ಲಿ—

ಆ ಬ್ರಹ್ಮದೇವ ಬರೆಯಲಿಲ್ಲ ಪ್ರೇಮದ ಅಧ್ಯಾಯ...

ಬರೆದಿದ್ದರೂ ಅದು ಕೊಂಚ ಕಾಲಕ್ಕೆ ಸೀಮಿತವಾಯಿತಷ್ಟೇ...

ಇನ್ಮುಂದಿನ ಬದುಕಿನ ಪುಟಗಳಲ್ಲಿ— 

ಬಹುಶಃ ಇದ್ದರೂ ಇರಬಹುದೇನೋ ಪ್ರೇಮ ಪ್ರಣಯ...

ಇದ್ದರೆ ಸಂಪೂರ್ಣ ಭಾಗ್ಯಶಾಲಿ, ಇಲ್ಲದಿದ್ದರೆ ಕನಸಿನ ಪ್ರೇಮಲೋಕಕ್ಕೆ ಭಾಗಶಃ ಚಕ್ರವರ್ತಿಯಾಗುವೆನಷ್ಟೇ...

               ----ಚಿನ್ಮಯಿ

ಓ ದೇವರೇ ನೀನೆಲ್ಲಿರುವೇ...!?

"ಓ ದೇವರೇ ನೀನೆಲ್ಲಿರುವೇ...!?"—

"ನಾನಿರುವಾಗ ನಿನ್ನೊಳಗೆ ಬೇರೆಲ್ಲಿ ಹುಡುಕುವೆ...!?

ನಿನ್ನೊಳಗೆ ನೀನಾಗಿಯೇ ನಾನು ಬದುಕಿರುವೆ...

ಒಳ ಕಣ್ತೆರೆದು ನೋಡೊಂದು ಸಲ.

ಕಾಣುತ್ತಲೇ ಬಳಿ ಇರುವೆನು ಅನಂತ ಕಾಲ."

                ----ಚಿನ್ಮಯಿ

ತ್ರಿಪದಿ- ೪

ಅಧರ್ಮೋ ಪರಮಪೂಜ್ಯಂ ಬಂಧು-ಮಿತ್ರರ್—

"ಅಂಧಕಾರಂ-ಅಜ್ಞಾನಂ-ಅಹಂ" ತ್ರಿವಳಿ ಹಿತ ಶತ್ರುಗಳ್—

ಮಾದೇವ ಅಗ್ನಿ ಸ್ಪರ್ಶದಿಂ ನಶಿಸೋ ಚಿನ್ಮಯಿ

"ಭಾವಾರ್ಥ:"

ಅಧರ್ಮವನ್ನು ಆತ್ಮೀಯತೆಯಿಂದ ಪೂಜಿಸೋ ಬಂಧುಗಳು-ಮಿತ್ರರೆಂದರೇ— "ಅಂಧಕಾರ-ಅಜ್ಞಾನ-ಅಹಂಕಾರ"ಗಳು. ಅಧರ್ಮದ ಜೊತೆಗಿ‌ನ ಆತ್ಮೀಯ ಒಡನಾಟದಿಂದಲೇ ನಮಗೆಲ್ಲರಿಗೂ ಈ ಮೂರು ಹಿತಶತ್ರುಗಳು. ನಾವುಗಳು ನಮ್ಮ ದೇಹಕ್ಕೆ ಮಹಾದೇವನ ಅಂಶವಾದ ಅಗ್ನಿಯ ಪವಿತ್ರ ತೇಜಸ್ಸನ್ನು ಸ್ಪರ್ಶಿಸಿ, ಅದರ ಪಾವಿತ್ರತೆಯಿಂದಲೇ ಇವುಗಳನ್ನು ನಶಿಸಿ, ಆತ್ಮವನ್ನು ಶುದ್ಧೀಕರಿಸಿ, ಪರಮಾತ್ಮನ ಸಾಕ್ಷಾತ್ಕಾರಗೊಳ್ಳಿಸಿ ಧರ್ಮವನ್ನು ಕಾಪಾಡಬೇಕು...

         ----ಚಿನ್ಮಯಿ