ಮಕರ ಸಂಕ್ರಾಂತಿ

ಚಿತ್ರಕ್ಕೆ ಪದ್ಯ / ಉಲ್ಲೇಖ- ೯೭

ನೇಸರನ ರಥ ಬದಲಿಸಲು ಪಥ ಧನುವಿನಿಂದ ಮಕರದೆಡೆಗೆ,

ಆಗಸದಿ ಕಾಣುವುದೊಂದು ದಿವ್ಯ ಜ್ಯೋತಿ—

ಅದುವೇ ಅಯ್ಯಪ್ಪ ಸ್ವಾಮಿಯ ಕಾಂತಿ.

ಮಾಗಿಯ ಕಾಲ ಅಂತ್ಯದಿ ಸುಗ್ಗಿಯ ಕಾಲ ಶುರುವು,

ಅನ್ನದಾತನ ನಗುವೇ ಹಸಿವಿನ ಸುಖ ಕಾಮನೆ—

ಅದುವೇ ಸಂಕ್ರಮಣದ ಸಿಹಿ ಸೂಚನೆ‌‌.

ಅವರೆಕಾಯಿ-ಕಡಲೆಕಾಯಿ-ಗೆಣಸು-ಕಬ್ಬು ಸವಿಯುತಲಿ,

ಎಳ್ಳು-ಬೆಲ್ಲದ ಸಂಗಮದಿ ನಗು ನಗುತ ನಲಿಯುತಲಿ,

ಹಬ್ಬದ ಸಂಭ್ರಮಾಚರಣೆಯಲ್ಲೇ ಜೀವಿಸೋಣ.

ಸರ್ವರಿಗೂ ಸುಗ್ಗಿಯ ಹಬ್ಬ- "ಮಕರ ಸಂಕ್ರಾಂತಿ"ಯ ಶುಭಕಾಮನೆಗಳು.

               ----ಚಿನ್ಮಯಿ