ಹತ್ತನೆ ಸ್ವಂತ ಸಾಹಿತ್ಯ ಬರವಣಿಗೆ

ಹಾಡು: ನೀನೇ ಮುಗಿಲು ನಾನೇ ಕಡಲು

ಸಾಹಿತ್ಯ: ಚಿನ್ಮಯಿ (ಹರೀಶ್ ಟಿ ಎಚ್)

ನೀನೇ ಮುಗಿಲು ನಾನೇ ಕಡಲು

ಪ್ರೇಮಧಾರೆಯ ಚಲನ.

ನೀನೇ ಹಗಲು ನಾನೇ ಇರುಳು

ಸಂಧಿಕಾಲದಿ ಮಿಲನ.

ನಾ ನೀನು, ನೀ ನಾನು ಇಬ್ಬರೊಂದೇ..

ದೇಹವೆರಡಾದರೂ ಆತ್ಮವೊಂದೇ.. ||ಪ||

ಎನ್ನಂತರಂಗ ತೋಟದಲ್ಲಿ ಕುಸುಮವು ನೀನು ದುಂಬಿಯು ನಾನು.

ಮನ್ಮಥನ ಬಾಣದಿ ನಿನ್ನಂತರಂಗಕ್ಕೆ ಹರಿಯಲಿ ಪ್ರೇಮ ಜೇನು.

ರತಿರೂಪಿಭಗವತಿಗೇ ಮುಡಿಪಾಗುವ ಬಾ.

ಪ್ರೇಮಜ್ಯೋತಿ ಶಾಖದಿ ಒಂದಾಗುವ ಬಾ. ||೧||

ನೀನೇ ಮುಗಿಲು ನಾನೇ ಕಡಲು

ಪ್ರೇಮಧಾರೆಯ ಚಲನ.

ನೀನೇ ಹಗಲು ನಾನೇ ಇರುಳು

ಸಂಧಿಕಾಲದಿ ಮಿಲನ. ||ಅನು ಪ||

ಮರಗಿಡದಿ ಸಿಹಿಯಾದ ಫಲಾಮೃತ ನಾನು ಬೇರುಗಳೇ ನೀನು.

ನಿನ್ನೊಳಗೆ ಜೀವಿಸಿ ಪ್ರೇಮಾಮೃತವುಣುವೆ ನೀನಾದರೆ ಧೇನು...!

ಪ್ರಕೃತಿಯೇ ನಾಚುವಂತೆ ಸರಸವಾಡುವ ಬಾ.

ಪ್ರೇಮಯೋಗಕ್ಕೆ ನಾಂದಿಯಾಗುವ ಬಾ. ||೨||

ನೀನೇ ಮುಗಿಲು ನಾನೇ ಕಡಲು

ಪ್ರೇಮಧಾರೆಯ ಚಲನ.

ನೀನೇ ಹಗಲು ನಾನೇ ಇರುಳು

ಸಂಧಿಕಾಲದಿ ಮಿಲನ.

ನಾ ನೀನು, ನೀ ನಾನು ಇಬ್ಬರೊಂದೇ..

ದೇಹವೆರಡಾದರೂ ಆತ್ಮವೊಂದೇ.. ||ಪ||

    ----ಚಿನ್ಮಯಿ