ಹನ್ನೆರಡನೆ ಸ್ವಂತ ಸಾಹಿತ್ಯ ಬರವಣಿಗೆ

ಹಾಡು: ಅವಳೇ ನನ್ನವಳು...

ಸಾಹಿತ್ಯ: ಚಿನ್ಮಯಿ

==============================

ನೀರಸ ಮೌನದೊಳು

ಸರಾಗ ಮಧುಸ್ವರ ಕೇಳಿತು.

ತಾಮಸ ಭಾವದೊಳು

ಬೆಳದಿಂಗಳು ಡೇರೆಯ ಹೂಡಿತು.

ಹತಾಶೆಯ ಜೀವನಕ್ಕೊಂದು

ಆಶಾಕಿರಣವಾದವಳೇ ನನ್ನವಳು...

ಜಿಜ್ಞಾಸೆಯ ಮಿಡಿತಕ್ಕೊಂದು

ಸಂಪೂರ್ಣತೆಯಾದವಳೇ ನನ್ನವಳು...

ನನ್ನ ಎದೆಯಾಳದ,

ಮನದಾಳದ ಪ್ರೇಮ ಸಂಜಾತದ

ಮೌನ ಕುರುಹು

ಅವಳೇ ನನ್ನವಳು... ||ಪ||

ಭೋರ್ಗರೆವ ಅಲೆಗಳು ಕಲ್ಲುಗಳ ತಾಗಿ ಶಾಂತವಾಗುವಂತೆ.

ಅವಳ ಬಾಹುಬಂಧನ ಸಾಂತ್ವನವೇ ನಿಶ್ಚಿಂತೆಯ ಸಂತೆ.

ಒಡನಾಡಿ ಜೀವನಾಡಿ ಸುಕೋಮಲೆ ಕೋಮಲೆ

ಕಣ್ಣಂಚಿನ ಬಿಂದುವನು ವಜ್ರವಾಗಿಸಿದವಳೇ ಅವಳೇ ನನ್ನವಳು... ||೧||

ನನ್ನ ಎದೆಯಾಳದ,

ಮನದಾಳದ ಪ್ರೇಮ ಸಂಜಾತದ

ಮೌನ ಕುರುಹು

ಅವಳೇ ನನ್ನವಳು... ||ಅನು ಪ||

ವರುಣನು ಪರ್ವತ ತುದಿಯಿಂದ ನದಿಯಾಗಿ ಭುವಿಯ ಸೇರುವಂತೆ.

ಅವಳ ನಯನ ಪ್ರೇಮ ಸಂಚಲನವೇ ಮಮತೆಯೊಳು ಮಿಂದಂತೆ.

ಸಹಭಾಗಿ ಅರ್ಧಾಂಗಿ ಸಹಚಾರಿಣಿ ತಾರಿಣಿ

ಎದೆಪೂರ ಆವರಿಸಿ ವಾಸವಾಗಿರುವವಳೇ ಅವಳೇ ನನ್ನವಳು... ||೨||

ನನ್ನ ಎದೆಯಾಳದ,

ಮನದಾಳದ ಪ್ರೇಮ ಸಂಜಾತದ

ಮೌನ ಕುರುಹು

ಅವಳೇ ನನ್ನವಳು... ||ಅನು ಪ||

ನೀರಸ ಮೌನದೊಳು

ಸರಾಗ ಮಧುಸ್ವರ ಕೇಳಿತು.

ತಾಮಸ ಭಾವದೊಳು

ಬೆಳದಿಂಗಳು ಡೇರೆಯ ಹೂಡಿತು.

ಹತಾಶೆಯ ಜೀವನಕ್ಕೊಂದು

ಆಶಾಕಿರಣವಾದವಳೇ ನನ್ನವಳು...

ಜಿಜ್ಞಾಸೆಯ ಮಿಡಿತಕ್ಕೊಂದು

ಸಂಪೂರ್ಣತೆಯಾದವಳೇ ನನ್ನವಳು...

ನನ್ನ ಎದೆಯಾಳದ,

ಮನದಾಳದ ಪ್ರೇಮ ಸಂಜಾತದ

ಮೌನ ಕುರುಹು

ಅವಳೇ ನನ್ನವಳು... ||ಪ||

      ----ಚಿನ್ಮಯಿ