ನಾ ಕಂಡ ೨೦೧೯

ಆಗ ತಾನೇ ಶುರುವಾಗಿತ್ತು ಇಸವಿ ಎರಡು ಸಾವಿರ ಹತ್ತೊಂಬತ್ತು (೨೦೧೯).
ಹೊಸ ಹುಮ್ಮಸ್ಸಿನಿಂದ ಆಸೆ ಪಟ್ಟಂತೆ ಮಾಡುವ ಕೆಲಸಗಳು ತುಂಬಾ ಇತ್ತು.

ದಾರಿಯುದ್ದಕ್ಕೂ ಸತತ ವೈಫಲ್ಯ, ಅವಮಾನದ ಸುರಿಮಾಲೆ.
ಏನು ಆಗುತ್ತಿಲ್ಲವೆಂದೆನಿಸಿ ಸುರಿಸಿದೆನಾ ಕಣ್ಣೀರಿನ ಮಳೆ.

ತುಂಬಾ ಪ್ರಯತ್ನಿಸಿದರೂ ಆಗುತ್ತಿರಲ್ಲಿಲ್ಲ ಸಾಧಿಸೋ ಕೆಲಸಗಳು.
ಆದರೆ ಅನಿಸಿತು, ಹೀಗೇ ಕೊರಗಿದರೆ ನೆರವೇರಲ್ಲ ನಾ ಕಂಡ ಕನಸುಗಳು.

ಸತತ ಪ್ರಯತ್ನ ಬಿಡದ ನಾನು ಮುನ್ನುಗ್ಗಿದೆ ದೇವರನ್ನ ನಂಬಿ.
ಕೊನೆಗೆ, ಒಂದು ದಿನ ಎನ್ನ ಪ್ರಯತ್ನಕ್ಕೆ ಖುಷಿಯ ಕಣ್ಣೀರು ಬಂತು ಕಣ್ಣ್ತುಂಬಿ.

ನಾ ಕಂಡ ೨೦೧೯, ನೋವು-ನಲಿವು ತೋರಿಸಿ, ಕಷ್ಟವ ಎದುರಿಸಿ ಸಾಧನೆಯ ದಾರಿ ಸೇರಲು ಹೇಳಿಕೊಟ್ಟು ಕಣ್ಮರೆಯಾಯಿತು.
ನಾ ಕಾಣುವ ೨೦೨೦, ಮುಂಬರುವ ಮತ್ತಷ್ಟು ಕಷ್ಟವ ಎದುರಿಸಿ ಸಾಧನೆಯ ತುದಿಗೆ ಸಾಗಲು ನೆರವಾಗುತ್ತದೆಂದು ಆಶಿಸುವೆನು.

ಆಂಗ್ಲ ಹೊಸ ವರ್ಷದ (೨೦೨೦) ಶುಭಾಶಯಗಳು.
             
                  ----ಚಿನ್ಮಯಿ