ನವಗ್ರಹ — ನವಧಾನ್ಯ — ಅಷ್ಟದಿಕ್ಕು

ಚಿತ್ರಕ್ಕೆ ಪದ್ಯ / ಉಲ್ಲೇಖ- ೧೧೯

ನವಗ್ರಹಗಳು, ನವಧಾನ್ಯಗಳು ಹಾಗೂ ಅಷ್ಟದಿಕ್ಕುಗಳು ಹೇಗೆ ಒಂದಕ್ಕೊಂದು ಸಂಪರ್ಕ ಹೊಂದಿದೆ ಎಂಬುದನ್ನು ಇಲ್ಲಿ ವೈಜ್ಞಾನಿಕ ದೃಷ್ಟಿಕೋನದಿಂದ ವಿವರಿಸುವೆನು—

ಒಂದೆಡೆ ನವಗ್ರಹಗಳ ಪ್ರಭಾವ ಜೀವರಾಶಿಗಳ ಮೇಲೆ ಅಷ್ಟದಿಕ್ಕುಗಳಲ್ಲಿಯೂ ಪಸರಿಸುತ್ತ ಅತೀವ ಅಥವಾ ಕಡಿಮೆ ಪ್ರಮಾಣದಲ್ಲಿ ಬೀರುವುದು.

ಮತ್ತೊಂದೆಡೆ ನವಧಾನ್ಯಗಳು ಜೀವರಾಶಿಗಳ ಆರೋಗ್ಯ ರಕ್ಷಣೆಯ ಸುಭಕ್ಷ ಕವಚವಾಗಿ ಕಾಪಾಡುವುದು.

ಬದುಕಿನ ನೈಜತೆ ಹೀಗಿರುವಾಗ, ಪಂಚಭೂತಗಳ ಮಿಶ್ರಿತವಾದ ಜೀವರಾಶಿಗಳ ಬದುಕಿನ ಸಮತೋಲನಕ್ಕೆಂದೆ ಈ ಕೆಳಗಿನ ವಿಧಿ ವಿಧಾನಗಳನುಸಾರವಾಗಿ ನವಧಾನ್ಯಗಳನ್ನು ಅಷ್ಟದಿಕ್ಕುಗಳಲ್ಲಿಯೂ ಹೋಮ ಕುಂಡದ ಸುತ್ತಲು ಇರಿಸಿ ನವಗ್ರಹ ಶಾಂತಿ ಹೋಮ-ಹವನಗಳನ್ನು, ಪೂಜೆ-ಪುನಸ್ಕಾರಗಳನ್ನು ನಡೆಸುವೆವು—

೧) ಪೂರ್ವ ಹಾಗೂ ಪಶ್ಚಿಮ ದಿಕ್ಕುಗಳಲ್ಲಿ ಗೋಧಿಯು ರವಿಗೆ/ಸೂರ್ಯನಿಗೆ ಸೀಮಿತ.

೨) ಆಗ್ನೇಯ ದಿಕ್ಕಿನಲ್ಲಿ ಅಕ್ಕಿಯು ಸೋಮನಿಗೆ/ಚಂದ್ರನಿಗೆ ಸೀಮಿತ.

೩) ದಕ್ಷಿಣ ದಿಕ್ಕಿನಲ್ಲಿ ತೊಗರಿಬೇಳೆಯು ಮಂಗಳ ಗ್ರಹಕ್ಕೆ/ಕುಜ ಗ್ರಹಕ್ಕೆ ಸೀಮಿತ.

೪) ಈಶಾನ್ಯ ದಿಕ್ಕಿನಲ್ಲಿ ಹೆಸರುಕಾಳು ಬುಧ ಗ್ರಹಕ್ಕೆ ಸೀಮಿತ.

೫) ಉತ್ತರ ದಿಕ್ಕಿನಲ್ಲಿ ಕಡಲೆಕಾಳು ಗುರು ಗ್ರಹಕ್ಕೆ ಸೀಮಿತ.

೬) ಪೂರ್ವ ದಿಕ್ಕಿನಲ್ಲಿ ಅವರೆಕಾಳು ಶುಕ್ರ ಗ್ರಹಕ್ಕೆ ಸೀಮಿತ.

೭) ಪಶ್ಚಿಮ ದಿಕ್ಕಿನಲ್ಲಿ ಎಳ್ಳು ಶನಿ ಗ್ರಹಕ್ಕೆ ಸೀಮಿತ.

೮) ನೈರುತ್ಯ ದಿಕ್ಕಿನಲ್ಲಿ ಉದ್ದಿನಬೇಳೆಯು ರಾಹು ಗ್ರಹಕ್ಕೆ ಸೀಮಿತ.

೯) ವಾಯುವ್ಯ ದಿಕ್ಕಿನಲ್ಲಿ ಹುರುಳಿಕಾಳು ಕೇತು ಗ್ರಹಕ್ಕೆ ಸೀಮಿತ.

      ‌‌         ----ಚಿನ್ಮಯಿ