ಪ್ರಕೃತಿ-ಪುರುಷ

ಚಿತ್ರಕ್ಕೆ ಪದ್ಯ-೨

ಪುರುಷನೊಳಗೆ ಸ್ತ್ರೀ ಇರುವಳು.
ಸ್ತ್ರೀ ಒಳಗೆ ಪುರುಷನಿರುವನು.
ಒಬ್ಬರೊಳಗೊಬ್ಬರು ನೆಲಸಿಹರೋ,
ಸಮತೋಲನ ಕಾಪಾಡಿಹರೋ.

ಪುರುಷನ ಯೋಚನೆಗಳು ಹಕ್ಕಿಗಳಂತೆ,
ಚಿಲಿಪಿಲಿ ಸದ್ದು ಮಾಡುವುದು.
ಸ್ತ್ರೀ ಯ ಯೋಚನೆಗಳು ಸೂರ್ಯನಂತೆ,
ತನ್ನ ಕಿರಣಗಳ ಕಾಂತಿ ಬೀರುವುದು.

ಪುರುಷನ ಪ್ರೀತಿ ಸೂರ್ಯನಂತೆ,
ಮುಳುಗಿದ ಮೇಲೂ ಉದಯಸಿದ ಹಾಗೆ.
ಸ್ತ್ರೀ ಯ ಪ್ರೀತಿ ಹಕ್ಕಿಗಳಂತೆ,
ಸದಾ ಗುಂಪಾಗಿ ಜೊತೆಯಲ್ಲೇ ಇರುವ ಹಾಗೆ.

ಪುರುಷನ ಕೊರಳಿನಿಂದ ಮೂಡಲು ಪ್ರೀತಿಯ ಜೋಕಾಲಿ,
ಸ್ತ್ರೀ ಬೀಳದಂತೆ ಕಾಪಾಡುವನು ಉಸಿರನ್ನು ಬಿಗಿದಿಡಿದು.
ಎರಡು ಮರಗಳಂತೆ ಎರಡು ಕೈಗಳು ಜೊತೆಯಾಗಲಿ,
ಪುರುಷ-ಸ್ತ್ರೀ ಜೊತೆ ಇಲ್ಲದಿದ್ದರೆ ಬ್ರಹ್ಮಾಂಡವೇ ಮುಂದೆ ಸಾಗದು.
                    ----ಚಿನ್ಮಯಿ