ನಂಬಿಕೆಯೇ ಅಥವಾ ಮೂಢನಂಬಿಕೆಯೇ...!?

ದೈವವ ಒಲಿಸಲು ಪರದಾಡುತಿರುವರು ಸುಮ್ಮನೆ ಜನರು,
ತಮ್ಮೊಳಗೆ ದೈವವು ನೆಲಸಿಹನು ಎನ್ನುವುದು ಅರಿಯದ ಮೂಡರು ಇವರು.

ದೇವರ ಹುಡುಕಾಟದಲ್ಲಿ ಒಳ್ಳೆಯದನ್ನೇ ಮರೆತಿರುವರು ನಮ್ಮವರು,
ಪಕ್ಕದಲ್ಲಿರೋ ಹಸಿದವನ ಹೊಟ್ಟೆಯಲ್ಲೇ ದೇವರಿದ್ದಾನೇ ತಿಳಿಯಿರಿ ಇಂದಾದರು.

ಕಾಣದ ದೇವರಿಗಾಗಿ ಹಾತೊರೆಯುತಿರುವರು ಜೊತೆಗಾರರು,
ಕಣ್ಣ ಮುಂದೆಯೇ ಭಗವಂತನಿದ್ದಾನೇ ಗಮನಿಸಿ ಈಗಲಾದರು.

ಭಯ-ಭಕ್ತಿ ಸಹಜ ದೇವರಿಗಾಗಿ,
ನಿನ್ನ ಇಷ್ಟ, ನಿನ್ನ ಖುಷಿ ದಾನ ಮಾಡು ದೇವರಿಗೆ.
ಸ್ಪಂದಿಸು ಹಸಿದವನ ಕೂಗಿಗಾಗಿ,
ಸ್ವಲ್ಪವಾದರೂ ದಾನ ನೀಡು ಅಗತ್ಯವಿದ್ದವರಿಗೆ.

ಸ್ನೇಹಿತರೆಲ್ಲರು ಕೇಳಿರಿ ದೇವರಲ್ಲಿ ಇರಲಿ ನಂಬಿಕೆ,
ಇಲ್ಲದ ಅತೀಯಾದ ನಂಬಿಕೆ ಒಳ್ಳೆಯದಲ್ಲ ಜೋಕೆ.

ನಿನಗೆಷ್ಟು ಸರಿಯಾದದ್ದು ಇದೆಲ್ಲಾ ನೀನೇ ಯೋಚಿಸು ಒಮ್ಮೆ ಮನುಜನೇ,
ಯಾವುದು ಬೇಕು ನಿನಗೆ ಆರಿಸು- ನಂಬಿಕೆಯೇ ಅಥವಾ ಮೂಢನಂಬಿಕೆಯೇ...!?
          ----ಚಿನ್ಮಯಿ