ಜೀವನ

ಸುಂದರ ಯುವತಿಯ ಸೊಬಗನ್ನು ವರ್ಣಿಸಲು ಪದಗಳೇ ಸಾಲದು,
ಅವಳ ಕನಸುಗಳ ರಮ್ಯತೆ ಆಕಾಶದಷ್ಟೇ ವಿಶಾಲವಾದದ್ದು.

ಮೃದುವಾದ ಹೃದಯದಿ ಅವಳು ಸದಾ ನಗುತ ಬಾಳುತ್ತಿದ್ದಳು,
ಹುಣ್ಣಿಮೆ ಚಂದಿರನಂತೆ ಸದಾ ಕಾಲ ಪ್ರಕಾಶಿಸುತ್ತಿದ್ದಳು.

ಒಮ್ಮೆಲೆ ಖುಷಿಯಾದ ಬಾಳಿಗೆ ಬಿರುಗಾಳಿಯೊಂದು ಅಪ್ಪಳಿಸಿತು,
ಕಣ್ಣೀರ ಹನಿಯ ಧಾರಾಕಾರವು ಹಿಂದೆಂದು ಬರದಂತೆ ಹೊಮ್ಮಿತು.

ಆದರು ದೃಢಗೆಡದೆ ಎದುರಿಸಿ ನಿಂತಳು ಯುವತಿ ನೀಡದೆ ಕಾರಣ,
ಕಷ್ಟದ ಕಾರಣ ನೀಡದೆ ಎದುರಿಸಬೇಕು ಎಂಬುದೇ ಜೀವನ.
                ----ಚಿನ್ಮಯಿ