ಸಮ್ಮಿಲನ

ಕಣ್ಣಂಚಿನ ಭಾವವ ಹೇಳುವೆ ನಾನು,
ತುಟಿಯಂಚಲಿ ಕಿರು ನಗೆಯ ಬೀರು ನೀನು.
ಒಳ-ಒಳಗೆ ಮೂಡಲು ಹಿತಮಯ ಕಾತುರ,
ನಾ ಇರಲು ನಿನ್ನ ಜೊತೆ ಇನ್ನೇತಕೆ ಬೇಸರ!

ಎದೆಯಾಸೆಯು ಒಂದೆ, ನೀನಿರಲು ಸದಾ ಕಣ್ಣ ಮುಂದೆ.
ಸಲಿಗೆಯ ಸುಲಿಗೆ ಮಾಡುತ ಸೇರುವ ಬಾ ಇನ್ನು ಮುಂದೆ.
ಮೈಮರೆಯುವೆ ನಾ, ನೀನು ಒಮ್ಮೆ ನಗೆ ಬೀರಿದರೆ,
ಮನಸೋಲುವೆ ನಾ, ಹಾಗೆ ನೀನು ಬಿಗಿದಪ್ಪಿದರೆ.

ಉಸಿರಲಿ ಬೆರೆತೆ ನೀನು ನನ್ನೊಳಗೆ ಸೆರೆಯಾಗಿ.
ಚಡಪಡಿಕೆ ಬಿಡು ನೀನು ನಾ ಇರುವೆ ನಿನ್ನವನಾಗಿ.
ಪರಪಂಚ ನೀನೇ, ಆಗು ಬಾ ನನ್ನ ಬಾಳಿನ ಹೊಂಗಿರಣ.
ಸದಾ ಖುಷಿಯಿಂದ ಇರುವೆವು, ಆದರೆ ನಮ್ಮಿಬ್ಬರ ಸಮ್ಮಿಲನ.
                      ----ಚಿನ್ಮಯಿ