ಗೃಹಭೂಷಿತೆ

ಮನಸ್ಸನ್ನು ಮನಸೂರೆಗೊಳ್ಳಿಸಿ

ಪ್ರೇಮ ಬಲೆಯೊಳು ಬಂಧಿಸಿ

ಅಭಿಸಾರಿಕೆಯಾಗಿ ಎನಗಾಗಿ ಕಾಯುವವಳಾಕೆ.

ತುಷಾರ ಹವಾಮಾನವಿದ್ದರು

ಹಜಾರ ಬಳಿಯೇ ಕೂತು

ಎನಗಾಗಿ ಪ್ರೇಮಯೋಗಿ ಆಗುವವಳಾಕೆ.

ಮುಂಜಾನೆ ಮುಗುಳ್ನಗುತ ಕಳುಹಿಸಿ

ಸಾಯಂಕಾಲ ಬರುವುದು ತಡವಾದರೆ

ಎನಗಾಗಿ ವಿಹ್ವಲವಾಗುವವಳಾಕೆ.

ಸಂಬಳ ಅಪೇಕ್ಷೆ ಕೊಂಚವಿಲ್ಲದೆ

ಸ್ನಿಗ್ಧ ಪ್ರೇಮವ ಮಾತ್ರ ನೀಡುವ

ನಿಸ್ವಾರ್ಥ ಪ್ರೇಮದರಸಿಯು ಆಕೆ.

ಎನ್ನ ಎದೆ ಅಂಗಳದೊಳು

ಅವಳದೇ ಹೆಜ್ಜೆಗುರುತಿರಲು

ಪ್ರೇಮ ಗೆಜ್ಜೆನಾದದ ಸೆಲೆ ಅವಳದಲ್ಲದೆ ಇನ್ಯಾರದಿರಲು ಸಾಧ್ಯವು!

ಅವಳೇ

ಬಾಳಶೋಭಿತೆ.

ಗೃಹಭೂಷಿತೆ‌.

                    ----ಚಿನ್ಮಯಿ