ಪ್ರೇಮ ನಿವೇದನೆ

ಬಾ ನಲ್ಲೆ ನೀನು ಬಾ

ಹೃದಯದ ಬಾಗಿಲೆಡೆಗೆ.

ಬಾ ನಲ್ಲೆ ಬೇಗ ಬಾ

ನಿಂತಿರುವ ನನ್ನ ಕಡೆಗೆ.

      

      ಕೇಳು ಪ್ರಿಯೆ ಒಮ್ಮೆ ನೀನು

      ಮನಸ್ಸಿನ ಭಾವನೆಯನ್ನು!

      ನೀನೇ ಮೊದಲ ಸಖಿ ನನಗೆ

      ಸಂಶಯವ ಬಿಡು ಇನ್ನು.

ಪ್ರಾಣಕಾಂತೆ, ಪ್ರಾಣಸಖಿಯೇ

ಮಾಡದಿರು ಎಂದಿಗೂ ಚಿಂತೆ.

ಪ್ರಾಣಕಾಂತ, ಪ್ರಾಣಸಖನಾಗಿ

ನಾನಿರುವೆ ಸದಾ ನಿನ್ನ ಜೊತೆ.

      

      ಜೊತೆ ಸೇರಿ ಜೊತೆ ಕೂತು

      ಪ್ರೇಮದೌತಣ ಸವಿಯೋಣ.

      ಸದಾ ಕಾಲ ಹೀಗೆ ನಾವಿಬ್ಬರೂ

      ಖುಷಿಯಿಂದ ಬಾಳೋಣ.

ಬಾ ನಲ್ಲೆ ನೀನು ಬಾ

ಹೃದಯದ ಬಾಗಿಲೊಳಗೆ.

ಬಾ ನಲ್ಲೆ ಬೇಗ ಬಾ

ಪ್ರೀತಿಯ ಸೇರು ಒದ್ದು ಒಳಗೆ.

       ----ಚಿನ್ಮಯಿ

ಗೆಂಟುತೋರುಕ

ಚಿತ್ರಕ್ಕೆ ಪದ್ಯ-೩೫

ಹತ್ತಿರದ ನೀಲಿ ಆಕಾಶದಲ್ಲಿಹುದು ವಿಧ ವಿಧ
ಅನಿಲಗಳು, ಚಲಿಸುವ ಮೋಡಗಳು, ಹಾರುವ ಪಕ್ಷಿಗಳು.
ದೂರದಿ ಕಪ್ಪು ಬಾಹ್ಯಾಕಾಶದಲ್ಲಿಹುದು ಅನಂತ
ಮಾರುಚುಕ್ಕಿಗಳು, ಉಲ್ಕೆಗಳು, ನಕ್ಷತ್ರಗಳು, ಗ್ರಹಗಳು.

ಆಕಾಶದಲ್ಲಿರುವುದನ್ನು ಇಳೆಯಿಂದ ಸ್ಪಷ್ಟವಾಗಿ
ಕಾಣಲು ಅಂತಹ ದೊಡ್ಡ ತೊಂದರೆ ಏನು ಅಡ್ಡಿಯಾಗಲ್ಲ.
ಬಾಹ್ಯಾಕಾಶದಲ್ಲಿರುವುದನ್ನು ಧರೆಯಿಂದ ಸ್ಪಷ್ಟವಾಗಿ
ಕಾಣಲು ನಮಗ್ಯಾರಿಗೂ ಅವಶ್ಯ ಸಾಧ್ಯವಾಗುವುದಿಲ್ಲ.

ಇದೀಗ ನಾನು ಉತ್ಸುಕದಿಂದ ಓಡಿ ಓಡಿ ಬಂದೆನು
ಕಣ್ತುಂಬಿಸಿಕೊಂಡು ಆಗಲೆಂದು ಅಂತರಿಕ್ಷದ ನಿರೂಪಕ.
ಇದಕ್ಕಾಗಿಯೇ ನವೀನಯ ವಸ್ತುವೊಂದನ್ನು ತಂದೆನು
ಕಾಣಲೆಂದು ಅಂತರಿಕ್ಷವನ್ನು ಅದುವೇ ಗೆಂಟುತೋರುಕ.
       ----ಚಿನ್ಮಯಿ

ನಾವಿಕ

ಚಿತ್ರಕ್ಕೆ ಪದ್ಯ- ೩೪

ಸಾಗರದೊಳು ಸಾಗಿದೆ ನಾನು ಹಡಗಲ್ಲಿ
ಇಂದು ದೂರದ ತೀರವ ಸೇರಲೆಂದು.
ಆ ತೀರದ ಬಳಿಯೇ ಕಾದಿರುವ ಸುಂದರ
ರಾಜಕುಮಾರಿಯನ್ನು ನೋಡಲೆಂದು.

ಅವಳ ಬೇಟಿಯಾಗಲೆಂದು ಹಾತೊರೆದಿರುವ
ನನಗೆ ತಿಳಿದಿದೆ ಪ್ರೇಮವೊಂದು ಮೋಹಕ.
ನನ್ನ ಪ್ರೇಮವ ಬಹುಬೇಗ ಸೇರಲೆಂದು ಹಡಗಿನ
ವೇಗವನ್ನು ಹೆಚ್ಚಿಸುತ್ತಾ ಆದೆನು ನಾನೇ ನಾವಿಕ.
      ----ಚಿನ್ಮಯಿ

Simplicity and Humbleness

Stay Simple, Stay Humble
      ----chinmayi

Self Learning

Apart from obtaining knowledge from schools and colleges, cultivate the habit of learning whatever you want by yourself.
Try to be a self learner and self learning is the best thing one can do to achieve the goals.
      ----chinmayi

ಸಂಗೀತ

ಚಿತ್ರಕ್ಕೆ ಪದ್ಯ-೩೩

ಮುಂಜಾನೆಯಲ್ಲಿ ಖಗಗಳ ಇಂಪಾದ
ಸಂಗೀತದಿಂದಲೇ ಹೊಸ ದಿನದ ಸ್ವಾಗತ.
ಮುಸ್ಸಂಜೆಯ ಹೊತ್ತಿನಲ್ಲೂ ಅವುಗಳೇ
ಖುಷಿ ಪಡಿಸುವವು ಹಾಡುತ ಸಂಗೀತ.

ಮಧ್ಯಾಹ್ನದ ಸುಡುವ ಬಿಸಿಲಿನಲ್ಲಿಯೂ
ಸಂಗೀತದಿಂದಲೇ ಮನಸ್ಸು ಪ್ರಶಾಂತ.
ರಾತ್ರಿಯ ವೇಳೆಯಲ್ಲಿ ನೆಮ್ಮದಿಗೆ ಆಸರೆ
ಆಗುವುದು ಕೂಡ ನೆಚ್ಚಿನ ಸಂಗೀತ.

ದಿನದ ಪೂರ ಪರಮ ಸ್ನೇಹಿತನಾಗಿರುವ
ಸಂಗೀತವು ದೇಹದ ಕಣ ಕಣದಲ್ಲೂ ಅಂಕಿತ.
ಪ್ರಾಣ ಉಳಿಸುವ ಸಂಜೀವಿನಿ ಸ್ವರೂಪವೂ
ಕೂಡ ಆಗಿದೆ ಮಧುರ ಸುಮಧುರ ಸಂಗೀತ.

ಸಂಗೀತವಿಲ್ಲದ ಬಾಳು ಬಹಳ ಕಠಿಣ.
ಸಂಗೀತದಿಂದಲೇ ಬೆಳಗುವುದು ಚೇತನ.
        ----ಚಿನ್ಮಯಿ

ಆಸರೆ

ಚಿತ್ರಕ್ಕೆ ಪದ್ಯ-೩೨

ಒಂಬತ್ತು ತಿಂಗಳು ಹೆತ್ತಮ್ಮನ
ಜಠರವೇ ನಮಗಾಗುವುದು ಆಸರೆ.
ನಂತರ ದಿನಗಳಲ್ಲಿ ಹೆತ್ತವರ
ಮಮಕಾರ ಪ್ರೀತಿಯೇ ಉಡುಗೊರೆ.

ಅವರ ನೆರಳಿನಲ್ಲಿ ಬೆಳೆಯುತ್ತ ಮುಂದಿನ
ದಿನಗಳಲ್ಲಿ ಪ್ರೇಮವಾಗುವುದು ನಮ್ಮಲ್ಲಿ ಕಣ್ಮರೆ.
ಯಾವತ್ತಿಗೂ ಅವರಿಲ್ಲದೆ ನಾವೇನಿಲ್ಲವೆಂದು
ಅರಿತು ಜೀವನ ಪೂರ್ತಿ ಅವರಿಗಾಗಬೇಕು ಆಸರೆ.
      ----ಚಿನ್ಮಯಿ

ಸಾಮಾಜಿಕ ಮಾಧ್ಯಮವೆಂಬ ಚಟ

ಚಿತ್ರಕ್ಕೆ ಪದ್ಯ-೩೧

ಉಪನೇತ್ರ ಧರಿಸುತ ತಲೆಯ ತಗ್ಗಿಸುತ
ದಿಟ್ಟಿಸಿ ನೋಡುವಂತಾಗಿದೆ ಚೂಟಿಯುಲಿ.
ಸದಾ ಕೂತಲ್ಲೇ ಕೂತು ನಿಂತಲ್ಲೇ ನಿಂತು
ಸೋಮಾರಿತನದಿಂದ ಸಾಗಿದೆ ಜೀವನ ಶೈಲಿ.

ಅರೆ ಪ್ರಜ್ಞೆಯಿಂದ ಮನೆ ಕೆಲಸವೇನು ಮಾಡದೆ
ದಿನನಿತ್ಯವು ಕೇಳುವಂತಾಗಿದೆ ಹೆತ್ತವರ ಕಿರುಚಾಟ.
ನಿದ್ರೆಯನ್ನು ಕೆಡಿಸುತ ನೆಮ್ಮದಿಯನ್ನು ಕಸಿಯುತ
ರೂಢಿಯಾಗಿದೆ ಸಾಮಾಜಿಕ ಮಾಧ್ಯಮವೆಂಬ ಚಟ.

ಇದರಿಂದ ಆದಷ್ಟು ದೂರ ಉಳಿದರೆ ಒಳಿತು,
ಇಲ್ಲವಾದಲ್ಲಿ ಅವಶ್ಯ ಕಾದಿದೆ ಮಹಾ ಆಪತ್ತು.
       ----ಚಿನ್ಮಯಿ

ದೇಜ ವು

ಚಿತ್ರಕ್ಕೆ ಪದ್ಯ-೩೦

ಕನಸೊಳು ಕಂಡದ್ದೋ?
ನನಸೊಳು ನಡೆದದ್ದೋ?
ಏನೋ ನವಿರಾದ ಹಳೆಯ ಅನುಭವದಂತಿದೆ.
ಇಲ್ಲಿರುವವನು ನಾನೋ?
ಈ ಜಾಗವು ಪರಿಚಿತವೋ?
ಅರಿಯದೆ ಒಂದು ಕ್ಷಣ ತಡಬಡಿಸಿದಂತಾಗಿದೆ.

ಎಂದೋ ಜರುಗಿದಂತಿದೆ,
ಇಲ್ಲಿಯೇ ಇದ್ದವನಂತಿದೆ,
ಹೀಗೆಲ್ಲಾ ಆಗಲು ಏನೋ ಒಂದು ಇರಬಹುದು ಅವಶ್ಯ ಕಾರಣವು.
ಇದೊಂದು ಮಧುರತೆಯು,
ಸೊಗಸಾದ ಗೊಂದಲವು,
ಇದಕ್ಕೆಲ್ಲಾ ಕಾರಣವು ನರವೈಜ್ಞಾನಿಕ ಅಸಂಗತತೆಯಾದ ದೇಜ ವು.
       ----ಚಿನ್ಮಯಿ