ಸಾಮಾಜಿಕ ಮಾಧ್ಯಮವೆಂಬ ಚಟ

ಚಿತ್ರಕ್ಕೆ ಪದ್ಯ-೩೧

ಉಪನೇತ್ರ ಧರಿಸುತ ತಲೆಯ ತಗ್ಗಿಸುತ
ದಿಟ್ಟಿಸಿ ನೋಡುವಂತಾಗಿದೆ ಚೂಟಿಯುಲಿ.
ಸದಾ ಕೂತಲ್ಲೇ ಕೂತು ನಿಂತಲ್ಲೇ ನಿಂತು
ಸೋಮಾರಿತನದಿಂದ ಸಾಗಿದೆ ಜೀವನ ಶೈಲಿ.

ಅರೆ ಪ್ರಜ್ಞೆಯಿಂದ ಮನೆ ಕೆಲಸವೇನು ಮಾಡದೆ
ದಿನನಿತ್ಯವು ಕೇಳುವಂತಾಗಿದೆ ಹೆತ್ತವರ ಕಿರುಚಾಟ.
ನಿದ್ರೆಯನ್ನು ಕೆಡಿಸುತ ನೆಮ್ಮದಿಯನ್ನು ಕಸಿಯುತ
ರೂಢಿಯಾಗಿದೆ ಸಾಮಾಜಿಕ ಮಾಧ್ಯಮವೆಂಬ ಚಟ.

ಇದರಿಂದ ಆದಷ್ಟು ದೂರ ಉಳಿದರೆ ಒಳಿತು,
ಇಲ್ಲವಾದಲ್ಲಿ ಅವಶ್ಯ ಕಾದಿದೆ ಮಹಾ ಆಪತ್ತು.
       ----ಚಿನ್ಮಯಿ