ಗೆಂಟುತೋರುಕ

ಚಿತ್ರಕ್ಕೆ ಪದ್ಯ-೩೫

ಹತ್ತಿರದ ನೀಲಿ ಆಕಾಶದಲ್ಲಿಹುದು ವಿಧ ವಿಧ
ಅನಿಲಗಳು, ಚಲಿಸುವ ಮೋಡಗಳು, ಹಾರುವ ಪಕ್ಷಿಗಳು.
ದೂರದಿ ಕಪ್ಪು ಬಾಹ್ಯಾಕಾಶದಲ್ಲಿಹುದು ಅನಂತ
ಮಾರುಚುಕ್ಕಿಗಳು, ಉಲ್ಕೆಗಳು, ನಕ್ಷತ್ರಗಳು, ಗ್ರಹಗಳು.

ಆಕಾಶದಲ್ಲಿರುವುದನ್ನು ಇಳೆಯಿಂದ ಸ್ಪಷ್ಟವಾಗಿ
ಕಾಣಲು ಅಂತಹ ದೊಡ್ಡ ತೊಂದರೆ ಏನು ಅಡ್ಡಿಯಾಗಲ್ಲ.
ಬಾಹ್ಯಾಕಾಶದಲ್ಲಿರುವುದನ್ನು ಧರೆಯಿಂದ ಸ್ಪಷ್ಟವಾಗಿ
ಕಾಣಲು ನಮಗ್ಯಾರಿಗೂ ಅವಶ್ಯ ಸಾಧ್ಯವಾಗುವುದಿಲ್ಲ.

ಇದೀಗ ನಾನು ಉತ್ಸುಕದಿಂದ ಓಡಿ ಓಡಿ ಬಂದೆನು
ಕಣ್ತುಂಬಿಸಿಕೊಂಡು ಆಗಲೆಂದು ಅಂತರಿಕ್ಷದ ನಿರೂಪಕ.
ಇದಕ್ಕಾಗಿಯೇ ನವೀನಯ ವಸ್ತುವೊಂದನ್ನು ತಂದೆನು
ಕಾಣಲೆಂದು ಅಂತರಿಕ್ಷವನ್ನು ಅದುವೇ ಗೆಂಟುತೋರುಕ.
       ----ಚಿನ್ಮಯಿ