ಒಂದೇ ನೋಟದಲ್ಲೇ ಇಷ್ಟಪಡುವೆ,
ಇಷ್ಟಪಟ್ಟ ಮೇಲೆ ಪ್ರೀತಿ ಮಾಡುವೆ.
ಓ ಹೃದಯವೇ ನೀ ಏಕೆ ಹೀಗೆ?
ಇಷ್ಟಪಟ್ಟವರು ಜೊತೆಯಿದ್ದಾಗ ಖುಷಿ ಪಡುವೆ,
ಬಿಟ್ಟೋದಾಗ ನಗೆಯನ್ನು ಮಾಯವಾಗಿಸುವೆ.
ಓ ಹೃದಯವೇ ನೀ ಏಕೆ ಹೀಗೆ?
ತುಂಬಾ ಬೇಗ ಎಲ್ಲರನ್ನೂ ಹಚ್ಚಿಕೊಳ್ಳುವೆ,
ನಂತರ ಸುಮ್ಮನೆ ನೋವು ಪಡುವೆ.
ಓ ಹೃದಯವೇ ನೀ ಏಕೆ ಹೀಗೆ?
ಇರಬಹುದಿತ್ತಲ್ಲವೇ ನೀ ಕಲ್ಲು ಬಂಡೆಯ ಹಾಗೆ!
ಏಕೆ ನೀ ಇರುವೆ ಮೃದು ಹೂವಿನ ಹಾಗೆ!?
ಓ ಹೃದಯವೇ ನೀ ಏಕೆ ಹೀಗೆ?
ಭಾವನೆಗಳನ್ನು ಬದಿಗಿಟ್ಟು ಮಾತಾಡೊಮ್ಮೆ,
ಉತ್ತರಿಸು ನನ್ನ ಪ್ರಶ್ನೆಗಳಿಗೆಲ್ಲಾ ನೀನೊಮ್ಮೆ!
ಓ ಹೃದಯವೇ ನೀ ಏಕೆ ಹೀಗೆ?
----ಚಿನ್ಮಯಿ
No comments:
Post a Comment