 |
| ಚಿತ್ರಕ್ಕೆ ಪದ್ಯ-೧೪ |
ಬರಿದಾಗಿದೆ ಈ ಬಾಳು
ನೀನಿಲ್ಲದೆ ಪ್ರೇಯಸಿ.
ಒಡೆದ ಹೃದಯವ ಜೋಡಿಸು
ನಿನ್ನ ಹೃದಯವ ಸೇರಿಸಿ.
ಚೂರಾಗಿದೆ ಈ ಬಾಳು
ಗಾಡಿಯ ಗಾಜು ಒಡೆದಂತೆ.
ಭದ್ರವಾದ ಗಾಜು ಒಡೆದೋಗದ
ಹಾಗೆ ಪ್ರೀತಿಸು ಮೊದಲಿನಂತೆ.
ಬರಿದಾಗಿದೆ ಈ ಬಾಳು
ನೀನಿಲ್ಲದೆ ರೂಪಸಿ.
ಬಳಿ ಬಂದು ಸೇರು ಒಮ್ಮೆ
ನನ್ನನ್ನು ಪರದೆಯ ಸರಿಸಿ.
ಸವೆದೋಗಿದೆ ಈ ಬಾಳು
ಹಳೆಯ ಗಾಡಿಯ ಚಕ್ರದಂತೆ.
ಹೊಸದಾದ ಚಕ್ರವು ಚಲಿಸುವ ಹಾಗೆ
ಎನ್ನ ಜೊತೆ ಪಯಣಿಸು ಮುಂಚೆಯಂತೆ.
----ಚಿನ್ಮಯಿ
No comments:
Post a Comment